اطلب فيديو من أي شخص
استلم الردود بالفيديو بدون مكالمات ولا اجتماعات
أنشئ رابط طلب، واجمع آراء العملاء وشهاداتهم، وبلاغات الأخطاء، والمقابلات، وتسجيلات الشاشة من أي شخص. بدون ما يسجّل حساب أو ينزّل شي.
انضم للفرق اللي تعتمد على دادان في صناعة الفيديو
كيف تطلب فيديو من عملائك في ثواني
أنشئ حسابك في دادان
سوّ حسابك في دادان، ونزّل تطبيق Windows أو Mac، أو استخدم إضافة Chrome.
أنشئ رابط الطلب
عبّ نموذج الطلب عشان يطلع لك الرابط، وانسخه وأرسله لمن تبي.
استلم الردود
يسجّلون الفيديو ويرسلونه من نفس الرابط اللي أرسلته لهم.
يوصلك تنبيه
أول ما يرسلون الفيديو يوصلك تنبيه، فما تحتاج تلاحق أحد.
شركة Clear Sky Technologies تستخدم طلبات الفيديو في دادان عشان تعرف تحديات عملائها وتستلم ردودهم بدون اجتماع جديد. العميل يرسل سؤاله أو مشكلته بالفيديو، والفريق يرد عليه بفيديو مخصص له في الوقت اللي يناسبه.
اقرأ قصة Clear Sky Technologies ↗كيف تستخدم الشركات طلبات الفيديو في دادان
اجمع شهادات عملائك
شهادة العميل بالفيديو من أقوى الأدلة اللي تقنع غيره. لما يشوف العميل غيره مستفيد من منتجك أو خدمتك، يثق فيك أكثر.
وبطلب الفيديو، تسهّل على عملائك يسجّلون شهادتهم.
ما يحتاجون أي تجهيز، يسجّلون ويوصلك الفيديو على طول.
اجمع ملاحظات على منتجك
الملاحظة بالفيديو أوضح بكثير من المكتوبة. تخيّل المستخدم يسجّل شاشته ويوريك بالضبط وش يحتاج تحسين. يوريك بدل ما يوصف لك.
مدراء المنتج والمطورين يقدرون يجمعون هالنوع من الملاحظات بطلب الفيديو. ترسل الرابط، والمستخدم يسجّل رأيه وهو توّه في باله.
حالات الدعم الفني
العميل أحيانًا ما يعرف يوصف مشكلته. والنتيجة Emails رايحة جاية، ومحادثات متفرقة، وعميل زعلان.
فريق الدعم يختصر كل هذا برابط فيديو. العميل يسجّل مقطع سريع، وفريقك يفهم المطلوب بالضبط، والعميل يطلع راضي.
اجمع تحديثات الفريق
مكالمات الفيديو سريعة، بس تقطع تركيز الفرق اللي تشتغل عن بُعد. الإنتاجية تتأثر، والمعنويات تنزل مع الوقت.
التحديث بالفيديو بدل الاجتماع خيار أريح، خصوصًا لما يكون الفريق مركّز في مشروع. أنشئ رابط طلب، حدّد موعد نهائي، وخلّ كل واحد يسجّل تحديثه في وقته.
اجمع مدخلات الخبراء بسرعة
تجهيز المحتوى التدريبي يعتمد كثير على مدخلات الخبراء في وقتها. بدل ما تنسّق مكالمات أو تلاحق مستندات طويلة، اطلب منهم الشرح بفيديو قصير.
أرسل رابط الطلب للخبير مع تعليماتك، وهو يسجّل لما يفضى. توصلك المعلومة الدقيقة وأمثلتها، بدون تأخير.
وش يقولون عملاؤنا
"في Youfibre شغلنا عن بُعد بالكامل، وفريقنا موزّع في كل بريطانيا. دادان يخلّيني أشتغل على المشاريع والمهام مع فريقي، ويخلّينا نمشي بسرعة."
Craig Tomkins
مدير الاستراتيجية والعمليات
“ أحب دادان، يساعدني أتواصل مع العملاء وآخذ ملاحظاتهم بدون ما نحتاج اجتماعات كل شوي. ونستخدم الاختبارات التفاعلية عشان نخلّص الاعتمادات أسرع. ”
Jess Silver
صاحب وكالة تسويق
"أداة ممتازة! أشتغل مع شركاء تجزئة في كل مكان بالعالم، ودادان يساعدني أحافظ على هالعلاقات قوية."
Lewis Lingard
مدير مبيعات التجارة الدولية
مزايا تسهّل عليك طلب الفيديو
تعليمات تسجيل على كيفك
أضف أسئلتك وتعليماتك بالتفصيل، عشان كل الردود تجيك بنفس الترتيب.
الشاشة والكاميرا
اللي يرد يختار: الكاميرا، أو الشاشة، أو الاثنين.
ردود بدون كشف الهوية
استلم الردود بدون ما يحتاج أحد يسجّل أو يسوي حساب.
أكثر من رد بالفيديو
اسمح بأكثر من تسجيل من نفس رابط الطلب.
مواعيد نهائية ومتابعة للردود
حدّد موعد التسليم، وتابع الردود اللي توصلك من لوحة وحدة.
طلبات بكلمة مرور
احمِ الطلبات الحساسة بكلمة مرور إذا احتجت.
اطلب فيديو من أي شخص خلال دقائق مع دادان
الأسئلة الشائعة
ميزة تسوي فيها رابط ترسله لأي شخص عشان يسجّل لك فيديو. اللي يستلم الرابط يضغط عليه ويسجّل على طول، بدون ما ينزّل شي.
افتح دادان على الويب، اضغط Create ثم Video Recording Request. عبّ نموذج الطلب، واضغط Create recording link.
لا، ما يحتاج ينزّل تطبيق ولا يسوي حساب. يفتح الرابط ويضغط تسجيل، بس.
إيه، تكتب عنوان الطلب وتعليمات التسجيل، وتقدر تضيف كلمة مرور وموعد نهائي بعد.
بعد ما يجهز الرابط، انسخه وأرسله بالـEmail أو WhatsApp أو أي تطبيق مراسلة تستخدمه. وتقدر كمان تشاركه برمز QR.
من اللابتوب، ويقدرون يسجّلون كمان من متصفح الجوال.
أنت تحدد. من نموذج الطلب تختار: تسجيل واحد من الرابط، أو تفعّل استقبال أكثر من تسجيل (حسب باقتك).
يوصلك تنبيه في حسابك على دادان أول ما أحد يرسل فيديو من الرابط
إيه، الفيديوهات توصل لحسابك أنت، وما يشوفها إلا اللي تشاركها معهم. وإذا تبي حماية أكثر، حط للطلب كلمة مرور.
تجمع شهادات العملاء، وتحل تذاكر الدعم، وتستلم ملاحظات على منتجك، وكلها تساعد شغلك يكبر.
إيه، إذا فعّلت استقبال أكثر من تسجيل، توصلك فيديوهات من أكثر من شخص على نفس الرابط.
ما فيه رسوم إضافية على كل رابط ترسله. الميزة نفسها مرتبطة بباقتك، وتلقى وش تشمل كل باقة في صفحة الأسعار.